Ares e Cabo saen da Coruña nos postos de perigo da ACT
Os de Boiro caen ao descenso e os aresáns están no 10.º posto
Na Liga Galega, Samertolameu gaña en Rianxo pero Bueu mantén a primeira posición
Chapela imponse a Cabo na categoría feminina e pasa a ter a camisola de líder
Desde que se incorporou ao calendario da ACT a Bandeira da Coruña ten un dato curioso. O equipo que gaña alí acaba gañando a liga. Nos anos anteriores lográrono Urdaibai, Orio e Santurtzi. E neste 2022 Urdaibai levou a terceira bandeira da súa historia e quen sabe se comezou a cimentar un novo titulo de Liga.
Para os equipos galegos de momento toca sufrir mergullados nas últimas posicións. Mala fin de semana de Cabo. Só sumou dous puntos e meteuse en postos de descenso. Mellor lle foi a cousa a Ares. Nove puntos en dúas regatas non é un mal botín, pero querían máis.
Primeiro triunfo de Samertolameu na Liga Galega
Na Liga Galega Samertolameu puxo a maquinaria a funcionar en Rianxo e despois de catro segundos postos, á fin chegou a primeira vitoria da temporada. Igualadísima a regata con Bueu decidida no último longo. O segundo posto permítelle a Bueu manter a camisola de líder.
Na categoría feminina sí houbo troco na primeira posición. Chapela impúxose no duelo con Cabo da Cruz á que lle quitou o posto de privilexio.
