ÚLTIMA HORA
Máis dunha quincena de feridos nun accidente na saída francesa do Eurotúnel
Dos feridos, catro están en estado crítico, pero non se teme pola súa vida
O accidente produciuse cando un autobús envorcou xunto á plataforma de embarque na entrada do túnel submarino e recibiu o impacto dun tren
Arquivo
Máis dunha quincena de persoas resultaron feridas este xoves a última hora da tarde nun accidente entre un autobús e un tren de mercadorías na saída francesa do Eurotúnel, que comunica co Reino Unido por baixo da canle da Mancha, segundo informaron as autoridades.
Segundo a cadea TF1, que citou fontes da Prefectura (delegación do Goberno) do departamento de Pas de Calais, catro dos feridos estaban en estado crítico, aínda que non se temía pola súa vida, e tamén había unha quincena de feridos graves.
O accidente produciuse contra as 20.00 horas locais, cando un autobús envorcou xunto á plataforma de embarque na entrada do túnel submarino e recibiu o impacto dun tren que non puido facer nada para evitalo.
O diario La Voix du Nord sinalou que os pasaxeiros do autobús eran condutores que ían atravesar o Eurotúnel e que, para iso, deixaran os seus camións, que fan o traxecto en tren.
