Un terremoto de magnitude 4 con epicentro no Bierzo déixase sentir en varios puntos de Galicia

Un terremoto de magnitude 4 sacudiu na noite deste xoves a provincia de León.

O tremor ocorreu minutos despois das dez e media e tivo o seu epicentro  en Priaranza del Bierzo, a 10 km de profundidade.

O terremoto deixouse sentir tamén en distintos puntos da provincia de Lugo e da Coruña.

Polo de agora descoñécese se produciu algún dano.

Priaranza del Bierzo é un pequeno concello próximo a Ponferrada con preto de 700 habitantes.