Luis Fonsi e Diego el Cigala únense ao ciclo Son do Nordés na Coruña
O cartel complétase con catro grandes citas musicais en xullo
Il Divo e Albano e Romina completan a programación
O ciclo de concertos Son do Nordés pecha o cartel da súa primeira edición coa incorporación de Luis Fonsi e Diego el Cigala, que se suman a catro xornadas de actuacións no auditorio do parque de Santa Margarida, na Coruña, durante o mes de xullo.
Segundo informou o Goberno local, estes dous artistas únense a Il Divo e a Albano e Romina.
As entradas dos concertos xa están á venda a través da web www.sondonordes.com, en Ataquilla e no despacho de billetes da praza de Ourense.
Luis Fonsi volverá a España este verán despois da súa xira do 25 aniversario, coa que xa enchera a praza de María Pita no verán de 2022.
O artista presentará un espectáculo "único, acompañado dos seus grandes éxitos".
Diego el Cigala, pola súa banda, celebrará o 20 aniversario do lanzamento de Lágrimas Negras, o disco que gravou xunto ao pianista Bebo Valdés.
