Lugo conta cun parque arbóreo para vivir aventuras

No rural lugués, na zona de Ombreiro, naceu hai tres anos un parque arbóreo no que os piñeiros serven de base e de piar para unha serie de actividades respectuosas coa natureza e coa vida no rural. Trátase dunha zona de aventuras en que se potencia o deporte, a destreza e tamén as habilidades dos participantes, xa que se propoñen 48 retos diferentes nos que hai que ir superando obstáculos para poder avanzar nun circuíto aéreo no que mesmo hai mesa e bancos suspendidos no aire nos que é posible sentar.

Segundo o creador desta iniciativa empresarial, David López, a idea deste parque arbóreo xurdiulle hai anos como "un xeito de potenciar o rural, de crear emprego aquí e de poñer en valor un espazo e un patrimonio".

As actividades do parque compleméntanse coa oferta de bicis de montaña eléctrica, quads ou lasertag. Ademais, ao estar ás beiras do Narla tamén é posible facer Kaiak e paddel surf.