Rescatan unha lancha con 30 migrantes a bordo preto de Lanzarote

A lancha quedara á valga con 30 persoas a bordo preto de Lanzarote. O centro de coordinación de Emerxencias recibiu unha chamada de socorro dende a propia embarcación e deu aviso a Salvamento Marítimo, que a interceptou a poucas millas da costa.

Despois trasladaron os migrantes ata o peirao de Arrecife. Xa en terra recibiron atención do persoal sanitario que decidiu trasladar un deles ao hospital porque tiña lesións de carácter moderado, mentres que as outras persoas estaban en aparente bo estado.