Falece o exsecretario xeral de Podemos en Ourense, Víctor Ferreiro

Podemos Ourense informou na tarde deste luns do falecemento do exsecretario xeral da formación nesa cidade, Víctor Ferreiro.

O partido amosou a súa profunda tristeza polo súa morte.

"A súa perda deixa un enorme baleiro entre todas as persoas que tivemos a sorte de coñecelo, traballar con él e compartir militancia e amizade", destacan nun comunicado.

"Víctor foi, ante todo, un compañeiro leal e honesto, unha persoa comprometida coa defensa da xustiza social, da igualdade e dos dereitos da maioría social. Durante a súa etapa como secretario xeral demostrou sempre unha enorme capacidade de traballo, un profundo sentido da responsabilidade e unha firme vontade de construír unha sociedade máis xusta", destacou nunha nota Podemos Ourense.