Liceo-Lleida, choque final polo billete á semifinal da OK Liga

O Liceo logrou forzar o terceiro partido cunha remonta a domicilio (2-3) en que destacaron o capitán David 'Dava' Torres, autor de tres asistencias, e o gardameta Martí Serra, clave con varias intervencións de mérito, incluída unha falta directa na segunda metade.

Agora, a serie regresa a Riazor coa lección aprendida tras a derrota do primeiro partido e coa estratexia ben clara para tratar de reeditar o 1-0 da décimo quinta xornada ligueira que lle dea a clasificación á penúltima rolda polo título por cuarta tempada consecutiva.

Copa: "Xogamos unha final alí e agora temos outra. É certo que mentalmente estamos moi fortes"

En fronte estará o Lleida, un equipo letal que confiará no gran momento de forma de Nuno Paiva e de Francisco Torres 'Tombita' para tratar de alcanzar, por primeira vez na súa historia, unhas semifinais.