Leo Scaloni insiste: "O meu soño é adestrar o Deportivo"

A Federación de Fútbol das Illas Baleares (FFIB) rendeu este martes unha cálida homenaxe a Leo Scaloni, adestrador da selección de Arxentina, nun acto no que se lle fixo entrega dunha réplica da Copa do Mundo que a selección albiceleste conquistou en Catar e unha camiseta co seu nome e o número 5.

Scaloni asistiu á inauguración da nova aplicación dixital da FFIB acompañado por Pep Sansó, presidente do organismo reitor do fútbol balear, directivos e afeccionados.

No transcurso do acto, no que asinou balóns de fútbol, camisetas da selección arxentina e fotografouse con varios dos asistentes, Scaloni confesou que o seu soño sería, algún día "adestrar o Dépor".