As Tanias seguen a ser as raíñas do piragüismo na longa distancia

Están de volta varios dos padexeiros galegos que participaron no Mundial de maratón na Arxentina. Entre os que volveron está o cangués Adrián Hermelo que logrou o bronce en C-2 júnior ou o catoirán Kevin Longo que brillou no C-1 sub-23.

Houbo festa para recibilos na Lavacolla, cos familiares e cos clubs aos que pertencen. O momento máis especial foi a chegada das Tanias, Tania Álvarez e Tania Fernández, campioas do mundo na modalidad de K2 por terceira vez. Aínda non regresou outro campión mundial, o pontevedrés Xaime Duro.