Suspendida a xornada do mércores na Copa do Rei polo accidente de Urda
A Federación tomou a decisión logo do accidente de trens de Urda
Queda pendente a decisión para os partidos do xoves e a nova data para xogar os 24 encontros adiados, entre os que estaban os do Celta, Coruxo e Unión Deportiva Ourense
Logo da confirmación da gravidade do accidente de Urda, a Real Federación Española de Fútbol tomou a decisión de suspender a xornada copeira do mércores.
O Celta, o Coruxo e a Unión Deportiva Ourense tiñan que xogar os seus encontros e agora agardan noticias para saber a nova data dos partidos. En total son catorce os encontros adiados con cinco equipos de Primeira implicados: Celta, Levante, Alavés, Valencia e Betis. Os máis prexudicados son o cadro vigués e o Betis que están a disputar tres competicións.
Non hai decisión tomada coa xornada do xoves na que se xoga o Auriense-Deportivo. Os dous equipos tamén esperan pola determinación que tome a RFEF nas vindeiras horas.
