Kristin deixa vehículos atrapados, autovías cortadas, trens cancelados e clases suspendidas en media España

Agás Navarra, todas as comunidades amenceron en aviso por neve, chuvia ou vento pola borrasca Kristin. Vehículos atrapados, autovías cortadas, trens suspendidos, demoras nos voos e clases canceladas, ademais da interrupción da subministración eléctrica en Andalucía é  un primeiro balance do paso da borrasca.

A neve e o vento foron os maiores problemas, especialmente para o tráfico por estrada, aínda que a chuvia, a medida que avanzaba o día foi provocando inundacións e rebordamentos. 

Andalucía rexistrou máis de 1.500 incidencias este mércores. Ademais, contabilizáronse cinco feridos durante a xornada, ocasionados pola caída de árbores, ladrillos e pezas de ferro. 

Os bombeiros de Málaga rescataron dous homes quedaran atrapados nos seus coches en dous arroios nas localidades de Álora e Ronda. Na provincia de Sevilla, a Garda Civil rescatou tamén outra persoa que estaba sendo arrastrada pola corrente.

A Dirección Xeral de Tráfico, mantén aínda 102 estradas afectadas, dúas da rede principal qe están transitables por precaución, mentres que 16 vías secundarias están ao tráfico pola neve e outras 36 están pechadas pola chuvia.

 A situación foi mellorando conforme avanzou o día. A A-6 permaneceu cortada durante boa parte da mañá no tramo comprendido entre Guadarrama e Aravaca, na Comunidade de Madrid, deixando atrapados na vía a decenas de vehículos. O temporal provocou o embolsamento de camións en varias vías principais.​​

 

En canto á circulación ferroviaria, a borrasca está a impactar tanto nos servizos de alta velocidade como de proximidade.

Un Alvia Madrid-Vigo sufriu un retraso de máis de dúas horas e media pola acumulación de xeo no intercambiador de vía de Taboadela.

O Ministerio de Transportes informou de que, no corredor de Madrid a Barcelona, circúlase a 160 quilómetros por hora no tramo de Guadalaxara a Calatayud pola neve. Os primeiros trens acumularon atrasos entre 70 e 120 minutos.

No corredor Sur, está cortada a circulación en Villar del Río (Córdoba) desde as 9:30 por inundacións, do mesmo xeito que a vía de Córdoba a Xaén e de Córdoba a Antequera. Así mesmo, o Alvia 10695 Cádiz-Barcelona suprímese en Córdoba e os viaxeiros continuarán ata Alcázar vía Madrid. En canto aos proximidades e o resto de servizos públicos, houbo afectacións en Chamartín e as liñas do norte.

Aena informou da ralentización de operacións no aeroporto de Adolfo Suárez Madrid-Barajas pola neve.

A actividade escolar resentiuse en moitas provincias. Así, en Andalucía 77 municipios de Málaga, Almería e Cádiz cancelaron a actividade para este mércores, e noutras provincias os centros escolares non puideron desenvolver a súa actividade ao ter que suspenderse o transporte como ocorreu en Zamora. En Castela-A Mancha  13.000 nenos quedaron se colexio polo tempora.

En canto á actividade universitaria, a Universidade de Xaén cancelou toda a actividade presencial. En Madrid, a Universidade Autónoma suspendeu todas as actividades lectivas, mentres que o campus de Colmenarejo da Universidade Carlos III cancelou as clases da mañá. 
 

Andalucía está a ser unha das comunidades máis castigadas pola borrasca. A Axencia de Emerxencias enviou  a mensaxe Es-Alert aos cidadáns de 36 concellos da Almanzora e de Vélez polo aviso vermello activo nesas zonas de Almería.

A subministración eléctrica viuse tamén interrompida na comunidade autónoma que afectan a unhas 170.000 pesoas nas oito provincias debido á caída de árbores e obxectos sobre as liñas de tensión.

Así mesmo, a estación de esquí de Sierra Nevada pechou por terceiro día consecutivo e o porto de Alxeciras (Cádiz) mantén pechado o acceso a camións e canceladas as súas saídas desde Tarifa como consecuencia do temporal no Estreito.

A Confederación Hidrográfica do Guadalquivir estableceu o nivel vermello de emerxencia pola crecida do río ao seu paso por Villanueva de la Reina e mantén o amarelo noutros catro puntos da conca por risco de desbordamentos. O número de desaloxados ascende a 300, deles, 247 son na provincia de Cádiz.

En Estremadura, a Junta emitiu pasadas as 10 horas un Es-Alert por fortes refachos de vento que poden superar os 130 quilómetros por hora en varios puntos da provincia de Cáceres. Así mesmo, as presas de Jerte, Borbollón e Rivera de Gata están a rexistrar desencoros significativos tras a última chuvia destes días pasados.

En dúas pedanías de Badaxoz sobre 350 veciños foron desaloxados como medida preventiva pola enchente de dous ríos que triplicaron o caudal habitual. En Estremadura contabilizáronse máis de 300 incidencias.

En Cáceres o alcalde, Rafael Mateos, anunciou que iniciaron os trámites para solicitar a declaración de zona gravemente afectada por unha emerxencia de protección civil, más coñecida como declaración de 'zona catastrófica, tras o episodio de fortes ventos rexistrados.