Alertas para este venres en Galicia por vento, fortes ondas e neve
Aviso a laranxa na Costa da Morte e as Rías Baixas, con previsión de ondas de ata seis metros
O aviso será amarelo por ventos en case toda Galicia e por neve na montaña de Lugo e Ourense por riba dos 1.100 metros, con acumulacións de cinco centímetros
Imaxe de arquivo da última nevarada no Alto da Gañidoira (Muras)
A Axencia Estatal de Meteoroloxía (Aemet) activou unha alerta amarela en toda a costa galega para este venres, 6 de marzo, por ventos de forza 7 e mar do noroeste de ata 5 metros.
Igualmente, fixa unha alerta amarela na montaña de Ourense e Lugo por acumulacións de neve de 5 centímetros durante 24 horas en altitudes superiores a 1.100 metros.
Mentres, Meteogalicia eleva este aviso a laranxa na Costa da Morte e as Rías Baixas, con previsión de ondas de ata seis metros. Igualmente, establece aviso amarelo en boa parte de Galicia por fortes ventos.
A previsión de Meteogalicia para este venres é de ceos nubrados, con choivas débiles máis probables no leste e o norte, máis persistentes na Mariña de Lugo. A temperaturas terán poucos cambios con mínimas en descenso no interior e máximas á baixa.
