Ourense marca a máxima en Galicia con 38,6 graos na véspera dunha nova xornada de calor e de treboadas

A cidade de Ourense marcou un día máis a temperatura máxima en Galicia, con 38,6 graos, só un pouco por baixo dos 38,9 rexistrados este xoves.

A Xunta mantiña activada para este venres a alerta vermella por calor no interior da provincia de Pontevedra, mentres que as zonas do noroeste da Coruña e a montaña de Ourense estiveron en alerta laranxa, e a montaña de Lugo e Valdeorras en nivel amarelo.

Amais de en Ourense, as temperaturas máximas da comunidade tamén afectaron a Ribas de Sil (Lugo), onde se alcanzaron os 37,4 graos, e a Verín, onde os termómetros alcanzaron os 37,3 graos. 

Para este sábado, a noticia é que xa non estará activado ningún aviso vermello por calor, pero será unha xornada de treboadas no interior e no leste de Galicia.

Malia todo, si que haberá aviso laranxa no interior de Pontevedra e na zona de Valdeorras e amarelo na montaña de Lugo, noroeste de Ourense e Miño de Ourense, según Meteogalicia.

🌡️ Lembra que mañá continuará activa a alerta por vaga de calor:

🟠 Valdeorras e interior de Pontevedra.
🟡 Montaña de Lugo e noroeste e zona do Miño en Ourense.

➕ℹ️ https://t.co/gRcUje0ZzU https://t.co/QCxPLWkOzW

— 112 Galicia (@112Galicia) September 4, 2026