Máis dun cento de concellos galegos teñen restricións de auga pola seca
Un total de 75 municipios están en situación de prealerta e 32 en alerta
As previsións meteorolóxicas non anticipan precipitacións para os vindeiros días
Logo dun verán excepcionalmente cálido e seco a escaseza de auga estase a converter nun problema en moitos puntos da xeografía galega. A día de hoxe a seca afecta a máis dun cento de concellos: hai 75 en prealerta e 32 están xa en alerta.
Nestes municipios xa adoptaron medidas como as restricións de encher piscinas, regar xardíns ou baldear rúas. E tamén é importante que a veciñanza se conciencie do seu papel para evitar que a situacion empeore. Son pequenos xestos que poden achegar moito.
"Non se pode lavar un coche, non podes encher a piscina chea... hai que aforrar".
"Temos auga de momento, non moita, pero hai que andar con coidado con ela, porque a mina nunca secou, pero pode secar".
"Nós temos pozo, per procuramos non pasarnos".
"Non gastanos auga, o céspede está seco, non regamos."
Xestos que van ser cada vez máis necesarios porque a previsión meteorolóxica apunta a que as tan necesarias precipitacións non han chegar, cando menos na vindeira semana.
