Dous feridos en Carnota tras envorcar un camión na cuneta
Fixo falta un guindastre para poder retirar o vehículo
O sinistro rexstrouse contra as 10:30 desta maña por causas que se descoñecen
Dúas persoas resultaron feridas este sábado despois de que un camión pequeno saira da vía en Carnota e quedase envorcado na cuneta.
A chamada dun particular alertou ao 112 ás 10.30, para informar da saída de vía dun camión no quilómetro 18,7 da AC-550, en San Mamede de Carnota, con dúas persoas xa fóra do vehículo.
Os servizos sanitarios evacuaron aos feridos e solicitáronse medios de mantemento e limpeza polos restos de pedras e terra derramadas na estrada.
Os membros do Grupo de Emerxencias Supramunicipal de Muros sinalizaron un carril da estrada con conos, xa que o camión estaba semienvorcado na cuneta e ocupaba parte do carril, á espera da chegada dun guindastre para a súa retirada.
