Morre un cazador en Vilar de Barrio ao caer por un desnivel co seu vehículo
O falecido é José Castro, de 82 anos, presidente do coto de caza de Alberguería
Un particular atopou o falecido ao carón do coche e deu aviso
Unha persoa morreu en Vilar de Barrio ao caer por un desnivel co seu vehículo. O falecido é José Castro, de 82 anos, presidente do coto de caza de Alberguería.
O 112 Galicia tivo constancia do suceso uns vinte minutos antes das 14:00 horas. Segundo indicou un particular, atopárase cunha persoa posiblemente falecida ao carón dun coche, nunha leira no lugar da Alberguería.
Con estes datos, os xestores do 112 Galicia informaron ao Servizo de Urxencias Sanitarias de Galicia-061, ao GES de Laza e á Garda Civil.
Os servizos de emerxencia acudiron ata o punto e indicaron que parecía tratarse dunha saída de vía na que o vehículo, un coche con remolque, caeu por un desnivel. Non puideron nada por salvarlle a vida á persoa implicada.
🔴 #AXEGAInforma dunha persoa falecida en Vilar de Barrio.
— 112 Galicia (@112Galicia) March 25, 2026
📍 Parroquia da Alberguería.
➡️ A persoa foi achada a carón dun coche por un particular.
➡️ Tratouse dunha saída de vía na que o implicado caeu por un desnivel co seu vehículo.
🔗 https://t.co/AjOKZXu8me pic.twitter.com/W9yDo6swxk
