Jéssica Bouzas cae na súa estrea en Monterrei

A tenista galega Jéssica Bouzas despediuse do torneo de Monterrei (México), de categoría WTA 500 e disputado sobre pista dura, despois de perder este luns en primeira rolda ante a rusa Kamilla Rakhimova (6-4, 7-5).

A galega, número 42 do mundo, adiantouse 3-2 no primeiro parcial tras romper o servizo do seu rival, que lle respondeu cun contrabreak e gañando os tres seguintes xogos. Asinou unha nova rotura no noveno xogo, pero Rakhimova levou o parcial ao resto.

Xa na segunda manga, ambas as contendentes intercambiáronse golpes para chegar ao 5-5. A tenista rusa gañou o seu seguinte saque, pero Bouzas non puido replicarle e cedeu o seu servizo para dicir adeus tras algo máis de hora e media de loita.

Agora, a de Vilagarcía de Arousa, que en Cincinnati chegou ata oitavos de final -onde caeu fronte á número uno do mundo, a bielorrusa Aryna Sabalenka-, xa pensa no US Open, cuarto e último Grand Slam da tempada.