Jenni Hermoso: "É outra estratexia para dividirnos e intimidarnos"

Jenni Hermoso foi unha das mundialistas que quedou fóra da lista de Montse Tomé. O argumento da nova seleccionadora é que estimaba que era a mellor maneira de "protexela". Despois do comunicado do resto de internacionais, a dianteira da selección expresou a súa opinión a través das redes sociais. 

"De que quere protexerme? Ou de quen?" é a pregunta que fai Hermoso. Considera que o xeito de proceder da Federación é:  "Outra estratexia de división e manipulación para intimidar e ameazarnos con repercusións legais e sancións económicas. As mesmas persoas que nos piden confianza son as que lanzan unha lista con xogadoras que pediron ser NON convocadas", comenta Hermoso na liña do resto de compañeiras.