Instalan no Xurés sistemas autónomos de detección de incendios forestais
Teñen catro cámaras e trasladan avisos de lumes graza á intelixencia artificial
É un proxecto piloto de Naturgy que ampliarán ao resto do territorio nacional nos próximos meses
A distribuidora eléctrica do grupo Naturgy está instalando nas súas torres de alta tensión uns innovadores sistemas de vixilancia para previr incendios forestais.
É un proxecto piloto que están a probar con moi bos resultados no Xurés. Naturgy escolleu este parque natural da provincia de Ourense polo seu importante valor ecolóxico e polo grande historial de incendios forestais.
Están instalados xa aquí catro sistemas autónomos de detención de incendios forestais que funciona a través da intelixencia artificial. Está previsto que se estenda nos próximos meses no resto de Galicia e no resto de España.
Este dispositivo leva catro cámaras que permiten vixiar 360 graos. Están instalados nas torres de alta tensión a uns 9 metros de altura e a través da intelixencia artificial se detectan fume ou lume trasladan o aviso mediante conexión 4G.
E en canto comproban que si hai un incendio alertan axiña aos servizos de extinción.
Polo momento hai catro sistemas instalados, chegarán aos 25 nos próximos tres meses o que permitirá ter controlada unha área de preto de 500 km cadrados do Xurés.
Para a próximo verán agardan ter operativo este sistema contraincendios no resto do territorio nacional.
