Ingresado na UCI do Álvaro Cunqueiro un home que sufriu uha agresión brutal en Pontevedra

A Policía Nacional investiga unha brutal agresión que deixou un home ferido crítico en Pontevedra.

A vítima, de 34 anos, tivo que ser trasladada á unidade de coidados intensivos do hospital Álvaro Cunqueiro de Vigo pola gravidade das súas feridas, onde continúa ingresado.

A policía segue coas pescudas e cre que os agresores foron varios, se ben polo momento non hai ningún detido. Os axentes tamén revisan as cámaras de seguridade da zona, nos arredores da rúa Michelena.