Atopan unha muller morta na piscina da súa casa en Coristanco
O fillo da vítima chamara o 112 avisando de que súa nai caera á piscina e que podía estar morta
A piscina, que contaba con "pouca auga" e estaba cuberta con musgo, o que facía esvaradía a superficie
Ata o momento non se esclareceron as causas do suceso
.png)
Axentes da Garda Civil atoparon este domingo o corpo sen vida dunha muller nunha piscina dun domicilio particular no municipio coruñés de Coristanco.
A Garda Civil acudiu á vivenda tras ser avisada por Emerxencias 112 Galicia na mañá deste domingo de que un particular chamara a este servizo indicando que a súa nai caera ao interior da piscina, que contaba con "pouca auga" e estaba cuberta con musgo, o que facía esvaradía a superficie.
Xa no momento da chamada, o fillo da falecida, "avanzaba a posibilidade de que a nai estivese sen vida", un suposto que se confirmou no momento da intervención da Garda Civil, que optou por evitar mover o corpo ata a chegada das autoridades xudiciais.
Non se esclareceron ata o momento as causas do suceso nin se a muller morreu por mor da caída ou por non poder respirar no interior da piscina.
