Un home de 55 anos morre en Cospeito por un ataque de velutinas
Sufriu unha reacción alérxica a causa da picada das vespas mentres cazaba na parroquia de Xustás
Un home de 55 anos faleceu este domingo por mor dun ataque de velutinas na parroquia de Xustás, no concello de Cospeito. Sufriu unha reacción alérxica tras a picada das vespas mentres andaba á caza da perdiz.
Veciño deste municipio, telefonou ao irmán para que lle achegase unha medicación que frease os efectos pero non deu tempo. Eran sobre as tres da tarde.
Tamén se desprazaron ao lugar dúas ambulancias. O persoal sanitario tentou reanimalo durante unha hora pero que non puido facer nada por salvarlle a vida.
Os servizos de urxencia barallaron a posibilidade de mobilizar o helicóptero de emerxencias, pero xa non se completou esta manobra porque o home faleceu.
"Foi todo moi rápido", lamentou o alcalde da localidade, Armando Castosa.
