Iberia denuncia un acceso non autorizado que afecta a datos confidenciais de clientes

Iberia denunciou ante a Unidade Central Operativa da Garda Civil, a Axencia de Protección de Datos e o Instituto Nacional de Ciberseguridade un acceso externo non autorizado a un almacén de datos que compromete datos confidenciais de clientes, como nomes e apelidos, correos electrónicos, teléfonos e números de identificación da tarxeta de fidelización Iberia Club.

A aeroliña indicou que "non se obtivo ningún dato completo nin utilizable de medios de pago". Recoñece que si se extraeron algúns códigos de reserva para voos futuros, aínda que non teñen constancia de momento de que se realizasen actividades fraudulentas con eles. 

A compañía asegura que a información contida nese sistema de intercambio de información é limitada e non é operacional, polo que non puxo en risco a seguridade dos voos.

Iberia asegura que xa se puxo en contacto cos clientes afectados e tomou medidas de seguridade adicionais.