19 de setembro, Día do Aperitivo, todo un ritual da nosa gastronomía
A efeméride xurdiu hai tres anos para homenaxear esta tradición tan asentada pero que inventaron os italianos
O seu consumo no primeiro trimestre deste 2025 aumentou un 3,4 %, segundo un informe do Goberno
Hoxe, 19 de setembro, celébrase o Día do Aperitivo. Todo un ritual social da nosa gastronomía.
"Se algunha fin de semana non podo, bótoo en falta, a min gústame moito o aperitivo", comenta unha muller.
Con amigos ou en familia, é unha das tradicións gastronómicas máis asentadas no noso país, aínda que foron os italianos os que o inventaron.
"Eu tómoo con quen queira anotarse, de 'bo rollo' e acompañado de boa música", di un home.
Trátase dun bocado moi versátil que se toma para abrir o apetito. Aquí somos máis de sabores tradicionais...
"O aperitivo seé cun pouco de lacón, polbo ou tortilla, mellor", di un rapaz; unha muller engade: "O meu preferido é o vermú coas pataquiñas".
Tamén somos máis de tomalo fóra, no bar, e xa hai negocios especializados neste momento do día.
"Mellor fóra, socializas máis"; di un home. Unha rapaza comenta: "En familia e fóra, e se está bo tempo, moito mellor".
Lonxe de desaparecer, o aperitivo estase a reinventar nunha versión máis saudable.
"Non me importa probar sabores novos", comenta unha muller.
Un dato: no primeiro trimestre deste ano o seu consumo aumentou un 3,4 por cento.
