Publicador de contidos

Publicador de contidos

Frean o avance do incendio de Castelló tras calcinar 19.000 hectáreas

Frean o avance do incendio de Castelló tras calcinar 19.000 hectáreas

Salvaron o Santuario da Cova Santa de Altura, malia que toda a súa contorna está arrasada

Só nunha das localidades desaloxadas puideron regresar as súas casas

Ximo Puig di que non sabe o que pasou no tren afectado polo lume de Beljis

G24.gal 19/08/2022 14:36

Os máis de 40 medios aéreos e máis de 300 terrestres que traballan sen descanso no incendio do Alto Palancia (Castelló) lograron frear o avance virulento das lapas cara á Sierra Calderona e levantouse parcialmente o confinamento do próximo pobo valenciano de Alcublas.

As poboacións desaloxadas -Bejís, Torás, Teresa e Sacañet- seguirán no mesmo estado ata que o sábado se realice unha nova avaliación, xa que hai rebrotes en diferentes zonas do incendio e non se pode aínda garantir a seguridade. 

Desde o Posto de Mando Avanzado informouse de que o lume técnico marcado pola estratexia das últimas horas conseguiu frear o avance do incendio -que arrasou máis de 19.000 hectáreas- cara á Sierra Calderona, e aínda que o Santuario da Cova Santa de Altura (Castelló) non se viu danado polas lapas, toda a contorna quedou calcinado.

Ademais nas últimas horas declarouse outro incendio no municipio de Olocau, dentro do parque natural da serra Calderona, unha zona de alto valor ecolóxico. Os veciños desta localidade de 2.000 habitantes están confinados de xeito preventivo.

A única boa nova hoxe nesta comunidade é a estabilización do lume na Vall d'Ebo onde xa a maior parte dos veciños desaloxados puideron volver ás súas casas e ver a desoladora paisaxe: 13.000 hectáreas de terreo arrasadas.

Publicidade
Publicidade
Publicidade
Publicidade
Pódeche interesar