Publicador de contidos

Publicador de contidos

Fin de semana de actividade intensa nos aeroportos pola operación saída

Fin de semana de actividade intensa nos aeroportos pola operación saída

Os aeroportos recuperaron en xullo o 92 por cento do tráfico previo á pandemia

O Rosalía de Castro, na Lavacolla, incrementou a súa marca do ano 2019 en máis de 90.000 viaxeiros

G24.gal 13/08/2022 20:56 Última actualización 13/08/2022 21:19

Xornada de moita actividade tamén nos aeroportos pola operación saída. Algúns pasaxeiros regresan á casa e outros comezan as vacacións. As previsións no número de viaxeiros son moi boas para este mes de agosto. Os aeroportos recuperaron en xullo o 92 por cento do tráfico previo á pandemia. 

Fin de semana de moito movemento nos aeroportos, con longas ringleiras nos mostradores de facturación e nos controis de seguridade.

"É un aeroporto moi cómodo este de Santiago, facturar e todo é bastante cómodo pero si se ve movemento", asegura un viaxeiro.

Tanto movemento este verán, que xa no mes de xullo algúns aeroportos están a superar os seus récords de usuarios. O Rosalía de Castro, na Lavacolla, Santiago, incrementou a súa marca do ano 2019 en máis de 90.000 viaxeiros. 

"Nótase que a xente despois da pandemia quere saír e coller vacacións porque está todo a tope de xente", di outro pasaxeiro. 

Nesta fin de semana uns xa regresan á casa mentres outros moitos comezan por fin as vacacións. Cristina ou Candela contábannos algúns dos seus plans.

"Traballamos e vivimos en Madrid, viñemos para as festas da miña vila"
"Vimos de Córdoba, collemos o voo en Sevilla e imos facer o camiño de Santiago seis amigas" "Nós vimos das Canarias, de Tenerife, e vimos pasar unha semana a Galicia"

Este domingo prevese tamén outro día de moita actividade nos aeroportos de toda España.

Publicidade
Publicidade
Publicidade
Publicidade
Pódeche interesar

Publicador de contidos