Veciños de Lalín denuncian os incidentes constantes que un indixente causa na vila
O home, de orixe romanesa, vive nun edificio abandonado que ocupou
A última lea en que se viu implicado un home coñecido popularmente en Lalín como o Rumano, tivo como escenario un bar situado na rúa Alcalde Ferreiro. O dono asegura que este individuo estaba baixo os efectos do alcol porque ten problemas de adicción e enleouse con outro cliente que tamén presentaba os mesmos síntomas.
Manuel entende que é complicado, pero cre que alguén debería tomar medidas para evitar que acabe pasando algo grave. Asegura que este home é conflitivo a causa da súa adicción e tamén ten actitudes violentas na zona onde vive como ocupa, neste edificio abandonado.
O mesmo martes houbo outra liorta entre outros dous individuos que estaban baixo os efectos do alcol e que chegaron a lanzarse as cadeiras da terraza doutro bar.
