ÚLTIMA HORA
Falece unha persoa no incendio da súa vivenda nas Neves
O lume iniciouse no salón e o falecido estaba nun cuarto pero non se decatou do sucedido
Unha persoa faleceu tras declararse un incendio na súa vivenda no concello pontevedrés das Neves. Foi na parroquia de Taboexa e foron os veciños os que se decataron do lume.
🔴 #AXEGAInforma dun home falecido nun incendio nunha vivenda nas Neves.
— 112 Galicia (@112Galicia) March 24, 2026
📍Candón, Taboexa.
➡️ Foi un veciño quen deu aviso ao #112Galicia arredor das 07:00 horas.
🚨Urxencias Sanitarias de Galicia-061, Bombeiros de Porriño e de Ponteareas e Garda Civil. pic.twitter.com/ReZzyvayUh
Sobre as 07:00 horas deste martes alertaron ás forzas de seguridade e foron eles os que sufocaron as lapas. O lume iniciouse no salón e o falecido estaba nun cuarto, pero non se decatou do sucedido. Cando entraron os bombeiros, atopárono morto.
Ata o lugar acudiron os Bombeiros de Ponteareas e do Porriño, a Garda Civil e Urxencias Sanitarias de Galicia.
