Un surfista falece afogado na praia de Porto Senín, no concello de Oia
Outros surfistas conseguiron sacar o corpo do mar
Un surfista faleceu esta mañá nunha praia do concello de Oia. Outros surfistas conseguiron sacar o corpo da vítima do mar.
O 112 Galicia recibiu o primeiro aviso por mor deste suceso arredor das 11:30 horas. Polo que indicou un particular, había unha persoa desmaiada na auga, a carón da praia de Porto Senín.
Con isto, desde o CIAE 112 Galicia informouse ao Servizo de Urxencias Sanitarias de Galicia-061, que acudiu ata a zona co helicóptero medicalizado con base en Ourense. Tamén se mobilizou o Grupo Acuático do GES da Guarda e a Garda Civil.
A persoa foi rescatada da auga por outros surfistas. Pese aos esforzos dos servizos de emerxencias, non se puido evitar o falecemento da vítima.
🔴 #AXEGAInforma dun surfista falecido en Oia.
— 112 Galicia (@112Galicia) March 28, 2026
📍 Praia de Porto Senín.
➡️ A persoa foi sacada da auga por outros surfistas.
🔗 https://t.co/qpBctIUvgG pic.twitter.com/HpbpVoAFIE
