Publicador de contidos

Publicador de contidos

Falece un home tras ser rescatado da auga inconsciente na praia de Somorto, en Muros

Falece un home tras ser rescatado da auga inconsciente na praia de Somorto, en Muros

É o segundo morto nas praias galegas nestes dous últimos días

G24.gal 10/07/2022 21:04

Un home perdeu a vida este domingo tras ser rescatado da auga inconsciente na Praia de Somorto, no concello coruñés de Muros.

 Segundo indicou o 112 Galicia, sobre as 17,00 horas, unha persoa particular poñíase en contacto coa central de emerxencias para solicitar axuda para un home que acababan de rescatar da auga inconsciente.

Xa en terra, explica o 112, comezaron a practicarlle as manobras de reanimación e Urxencias Sanitarias de Galicia-061 enviou ata o punto un equipo a bordo do helicóptero medicalizado.

Coa aeronave pousada no mesmo areal, as manobras de reanimación do equipo médico finalizaron sen éxito e nada se puido facer por salvarlle a vida.

Ademais dos sanitarios, ata o lugar desprazouse o GES de Muros, a Policía Local e a Garda Civil.

Publicidade
Publicidade
Publicidade
Publicidade
Pódeche interesar