Morre un home duns 70 anos afogado na praia de Seixeliño, no Grove
Malia os esforzos por salvarlle a vida, os profesionais sanitarios só puideron confirmar o seu falecemento
Un bañista duns 70 anos morreu afogado a mañá deste sábado tras sufrir unha indisposición na praia de Seixeliño, en San Vicente, no Grove.
O suceso ocorreu contra as 14:00 horas, na zona de baño entre as praias de Area da Cruz e Seixeliño.
O 112 Galicia tivo constancia a través de Urxencias Sanitarias de Galicia-061, que estaba a mobilizar o seu persoal a bordo do helicóptero medicalizado con base en Santiago.
Os servixos sanitarios acababan de rescatar un home que aboiaba boca abaixo na auga e estaban a tratar de reanimalo na area.
De inmediato, activouse un operativo no que, ademais dos servizos sanitarios, participaron a Garda Civil, a Policía Local e o GES do Grove.
Malia os esforzos por salvarlle a vida, os profesionais sanitarios só puideron confirmar o falecemento do home, veciño de Santiago de Compostela.
