Prisión provisional sen fianza para os catro detidos por roubos en vivendas de Vigo
Entende o maxistrado que deben ir ao cárcere pola reiteración delituosa e o risco de fuga
O xuíz decretou prisión provisional, comunicada e sen fianza, para os catro detidos esta semana en Vigo como presuntos autores de varios roubos en vivendas, aos que tamén relacionan con supostos delitos de pertenza a grupo criminal e atentado contra axentes da autoridade.
Os catro detidos pasaron á disposición xudicial este domingo, cando o maxistrado da praza 4 da Sección de Instrución do Tribunal de Instancia de Vigo tomou a decisión de impoñerlles esta medida. Tres dos arrestros producíronse na tarde do xoves e o cuarto produciuse posteriormente debido a que, inicialmente, este último conseguiu fuxir.
No auto, segundo explican fontes do Tribunal Superior de Xustiza (TSXG), o maxistrado explica que adopta esta medida debido á concorrencia, en grao alto, de risco de fuga, así como de reiteración delituosa e, en menor grao, polo risco de afectación a fontes de proba.
As catro persoas foron detidas no barrio de Coruxo por feitos que poderían ser constitutivos de delitos de roubo con forza en casa habitada, pertenza a grupo criminal e atentado contra axentes da autoridade.
