Pechan as casetas do polbo que se instalan polo San Froilán en Lugo

Aínda non fixeron balance, pero todo apunta a que este foi un bo ano para as casetas do polbo do San Froilán.

Levan máis dun mes abertas e son tanto o aperitivo das festas como o colofón das patronais lucenses. 

Durante as patronais son visita obrigada para repoñer forzas, pero rematadas as festas, as casetas do polbo continúan atraendo a centos de comensais. 

Nesta ocasión, ademais, tanto as festas como o bo tempo favoreceron que fose un bo ano para os hostaleiros. 

As tres casetas pechan por este ano, logo dun mes de festa gastronómica en torno ao polbo.