Prisión provisional sen fianza para o suposto "fundador e impulsor" de Blocus España
O detido non poderá acceder a computadores ou outro tipo de dispositivos que lle permita entrar a redes sociais desde o centro penal
Reforzo policial en Santiago e A Coruña por convocatorias de "Blocus" para saquear comercios
Imaxe do momento da detención cedida pola Garda Civil
Un xulgado de Torrent (Valencia) decretou o ingreso en prisión provisional e sen fianza para o considerado como "fundador e impulsor" de Blocus España, que foi detido este venres na localidade valenciana de Picanya.
Esa prisión preventiva ten o carácter de comunicada, excepto no que concirne ao acceso aos computadores ou calquera outro tipo de dispositivo no centro penal que lle permita acceder a redes sociais de calquera clase, informou o Tribunal Superior de Xustiza da Comunitat Valenciana (TSJCV).
O detido está investigado nunha causa aberta por delitos de organización criminal destinada á incitación para cometer desordes públicas, roubos con forza en comercios e danos, sen prexuízo de ulterior cualificación.
A Policía Nacional e a Garda Civil detiveron nos últimos días a cinco persoas relacionadas coas convocatorias para provocar disturbios, saqueos e pillaxe este sábado en Valencia, entre eles este mozo, considerado como "fundador e impulsor" de Blocus España, e outros mozos que ensinaban como confeccionar cócteles molotov.
_frame_5426.png)
