Arde por completo unha autocaravana aparcada na entrada de Arteixo
O dono estaba no interior cando comezou o incendio e conseguiu saír polo seu propio pé
O lume tamén calcinou a lona dun camión que estaba estacionado a carón
Unha autocaravana ardeu por completo ás 14:00 horas deste sábado na entrada norte de Arteixo. O dono, que se atopaba no interior do vehículo cando se declarou o lume, conseguiu saír polo seu propio pé.
As lapas queimaron tamén a lona dun camión que estaba estacionado á súa beira. Os bombeiros do municipio sufocaron as lapas con rapidez e non se rexistraron danos persoais.
O incendio provocou unha columna de fume visible a varios quilómetros do lugar dos feitos. Segundo a Policía Local, durante a extinción foi necesario cortar un carril da travesía que leva o nome do concello, á altura do número 87.
_frame_268.png)
