Falece un home septuaxenario ao quedar atrapado debaixo do tractor que manexaba en Tui

Un home faleceu nunha leira en Tui ao quedar atrapado debaixo do tractor que manexaba. O primeiro aviso que se tivo do suceso foi ás 22:30 horas deste xoves. O home falecido traballaba nunha leira cando envorcou o tractor co que realizaba tarefas agrícolas. Quedou atrapado debaixo do vehículo.

Os seu  veciños pensan que debeu perder o control do tractor nun desnivel que existía no terreo. Din que probablemente pola altura que tiña a herba non o viu e desequilibrouse sen posibilidade de reacción. Foi unha veciña quen alertou os servizos de emerxencia. Achegouse á leira cando a familia o botou en falta. 

Aconteceu nun lugar afastado e o acceso para os bombeiros non foi doado tiveron que portar o material ata unha distancia dun quilómetro. As emerxencias nada puideron facer. Cando chegaron xa perdera a vida. O falecido é un septuaxenario veciño da parroquia de Caldelas de Tui.  

🔴 #AXEGAInforma dun home que faleceu nunha finca ao quedar atrapado debaixo do tractor que manexaba en Tui.

📍 Os Gaios, Caldelas de Tui.
➡️ Os Bombeiros do Porriño liberaron o corpo do implicado.

🚨 Urxencias Sanitarias de Galicia-061, @guardiacivil, Policía Local e AVPC Tui. pic.twitter.com/hGEyE5OIJJ

— 112 Galicia (@112Galicia) April 25, 2025

Ata o lugar acudiron as Urxencias Sanitarias de Galicia, os Bombeiros do Porriño , a Garda Civil, Policía Local e AVPC Tui.