Publicador de contidos

Publicador de contidos

Falece un home ao chocar coa súa moto cun vehículo en Viana do Bolo

Falece un home ao chocar coa súa moto cun vehículo en Viana do Bolo

Os sanitarios só puideron certificar a morte do motorista

G24.gal 19/09/2022 18:54 Última actualización 19/09/2022 19:12

Un motorista perdeu a vida este luns tras colidir a moto en que circulaba contra un turismo na parroquia de Pexeiros, no municipio ourensán de Viana do Bolo.  

 Segundo trasladou o 112 Galicia, un particular advertía sobre as 15.10 horas deste accidente no punto quilométrico 6 da estrada OU-533.

Nesta comunicación, o alertante reclamaba asistencia para o motorista. Con esta información, os xestores do 112 deron aviso aos servizos sanitarios.

Para esta emerxencia mobilizouse o helicóptero medicalizado, aínda que os profesionais sanitarios tan só puideron confirmar o falecemento do motorista.

Ao lugar acudiron tamén membros do GES da Gudiña, a Policía Local de Viana e Garda Civil de Tráfico. 

 

Publicidade
Publicidade
Publicidade
Publicidade
Pódeche interesar

Publicador de contidos