Falece Mario Agüero, lenda do primeiro Liceo campión

Mario Agüero, lenda do hóckey arxentino e do Liceo, faleceu aos 68 anos de idade. Só xogou dúas campañas na Coruña, pero deixou unha fonda pegada e comezou a época do Liceo campión.

En 1981 chegou canda Martinazzo para liderar un grande equipo que gañou a Copa do Rei e a Copa CERS na súa primeira temporada. No segundo ano que estivo en Riazor logrou un histórico título de Liga despois de gañar o último partido en Tenerife. 

Agüero foi internacional arxentino e marcharía para Italia para desenvolver a meirande parte da súa traxectoria deportiva.