Cargando resultados...
Falece Finola Vázquez, actriz de series como 'Rías Baixas' e 'Terras de Miranda'
Recibiu o premio Agapi á mellor interpretación feminina de elenco no ano 2001

G24.gal
17/03/2025 19:01
A actriz Finola Vázquez, que naceu en Neda (A Coruña), faleceu o pasado sábado aos 95 anos de idade deixando unha destacada traxectoria na televisión e o cine. A intérprete obtivo un gran recoñecemento coa súa participación en series como 'Rías Baixas', 'Terras de Miranda', 'Gondar' e 'El Comisario'.
A Asociación de Actores e Actrices de Galicia (AAAG) emitiu un comunicado no que lembra a carreira desta actriz e mostra o seu agarimo a familiares e amigos.
Obtivo o Premio Agapi á mellor interpretación feminina de elenco no ano 2001. Tamén actuou en películas como 'Os mortos van á présa' e 'Hotel Tívoli'.