En liberdade con cargos o detido por unha pelexa na A55 tras confirmarse que a vítima non morreu polos golpes
En liberdade con cargos o detido por unha pelexa na A55 tras confirmarse que a vítima non morreu polos golpes
Fontes da investigación informaron que as probas médicas realizadas ata o momento ao cadáver revelaron que "os golpes non son compatibles co seu falecemento"
Lugar do accidente na A55. TVG
O vigués detido en relación cunha liorta tras un accidente este domingo na A-55 foi posto en liberdade con cargos na tarde deste luns, segundo informou a Garda Civil.
O home, de 41 anos, que estaba en dependencias do instituto armado de Vigo, está libre á espera dos resultados da autopsia que se lle realizará mañá martes á vítima, un condutor portugués, de 52 anos.
Fontes da investigación informaron que as probas médicas realizadas ata o momento ao cadáver revelaron que "os golpes non son compatibles co seu falecemento".
Os dous condutores saíron dos vehículos, que deixaron estacionados na beiravía, e comezaron a pelexar entre eles. Varias testemuñas alertaron á Garda Civil.
Cando unha patrulla chegou ao lugar un dos implicados desmaiouse e foi trasladado ao Hospital Álvaro Cunqueiro, onde faleceu posteriormente. Na mañá deste luns era detido o outro condutor en relación con estes feitos.
