Chega o primeiro temporal do outono, con alerta laranxa no litoral e avisos por chuvia para este martes
Chega o primeiro temporal do outono, con alerta laranxa no litoral e avisos por chuvia para este martes
Aemet activa este martes o aviso no litoral oeste da Coruña e MeteoGalicia esténdeo a toda a costa de Pontevedra
Meteogalicia tamén activou un aviso por chuvia no interior da provincia de Pontevedra e no oeste e suroeste da da Coruña
Europa Press-Arquivo
A Axencia Estatal de Meteoroloxía activou a alerta laranxa no litoral oeste da Coruña por fenómenos costeiros para este martes. O aviso afectará ao litoral oeste da provincia desde media mañá. Espéranse, ao redor de Fisterra, vento do sur que poderían superar os 70 quilómetros hora.
#Alertas112 🟠🌊 Alerta laranxa costeira que afectará ao oeste da Coruña no día de mañá. 🟡 Outras zonas permanecen con aviso amarelo. 🔗 https://t.co/UXYetMf1PJ https://t.co/DgqO8LJrib
— 112 Galicia (@112Galicia) September 28, 2026
MeteoGalicia amplía a zona en aviso laranxa. Ao litoral oeste da Coruña engade toda a costa de Pontevedra. A alerta é por mar de vento.
Non son os únicos avisos activos. Ademais, practicamente toda Galicia quedará este martes en aviso amarelo por vento. Só se libra unha parte da provincia de Ourense. MeteoGalicia activa outra alerta máis, será por chuvia no interior da provincia de Pontevedra e no oeste e suroeste da da Coruña.
