Localizada en bo estado a muller desaparecida no Pereiro de Aguiar
Estaba a 1.500 metros da residencia DOMUSVI na que vive, situada no lugar da Medorra
A anciá, que padece deterioración cognitiva, abandonara o centro ás sete da mañá
A muller de 84 anos desaparecida no concello do Pereiro de Aguiar foi localizada en bo estado a 1.500 metros da residencia DOMUSVI na que vive. A anciá, que padece deterioración cognitiva, abandonara o centro ás sete da mañá cunha bolsa de lixo negra na man.
Segundo informou o alcalde da localidade, Luís Menor, un dos coidadores decatouse da súa ausencia e, tras revisar as cámaras de seguridade, a dirección do centro comprobou que saíra a primeira hora vestida cun pantalón negro e unha saia por riba.
A Garda Civil coordinou o operativo de busca no que participaron varios grupos de emerxencias, entre eles o GES municipal, e voluntariado. Os labores de procura centráronse na contorna da residencia, situada no lugar da Medorra, na parroquia de Santa Marta de Moreiras.
