Falece en Cee un ciclista que percorría en grupo o Camiño a Fisterra e caeu por unha pendente
Formaba parte dun grupo de sete persoas, e caeu cado circulaban por unha pista forestal
Falece un ciclista que formaba parte dun grupo de sete persoas que percorría o Camiño a Fisterra en bicicleta. Nunha pista forestal de Brens, a vítima caeu nun punto cunha pendente pronunciada.
Na chamada que recibiu o 112, xa se alertaba de que o estado do ciclista era de extrema gravidade. Por iso, puxeron ao alertador en contacto cos profesionais do 061 co fin de recibir as instrucións pertinentes ata a chegada da axuda. Mobilizouse o helicóptero medicalizado que, malia o esforzo, nada puido facer para salvar a vida do ciclista.
#AXEGAInforma dun ciclista falecido 📍San Martiño, Brens, #Cee ▶️Caeu do seu vehículo nun treito de forte pendente 🚨Urxencias Sanitarias de Galicia-061, Bombeiros Cee, Protección Civil, Garda Civil 🔗https://t.co/X7IZdIAMz0 https://t.co/ZWTDKG5ALD
— 112 Galicia (@112Galicia) September 25, 2026
Pola súa banda, os bombeiros do parque comarcal colaboraron co equipo médico para chegar ata a vítima, que se atopaba nunha zona de difícil acceso para calquera vehículo que non fose un todoterreno. No operativo tamén prestaron apoio os voluntarios de Protección Civil e os axentes da Garda Civil.
