Expourense acolle unha nova edición do Car Outlet para vehículos de ocasión, seminovos e quilómetro cero

A idade media do parque móbil ourensán medrou un 20% nos últimos cinco anos. Pasou dos 14 a máis de 18 anos de antigüidade.

"O meu é do 2000, ten 26 anos, por iso hai que cambialo."

"Subíu todo así que supoño que os coches non poden ser a excepción."

"Pois un coche un pouco económico, porque está todo súper carísimo. É para unha filla que precisa coche porque ten unha carraca."
 

Pois quen o desexe ten aquí unha oportunidade para facelo: entrégase de xeito inmediato, con garantía, e ata un 40%  máis barato.
 

"A xente o que ven buscar pois é bo prezo, calidade e se poden pagar bo prezo pois mellor."

"Estamos regalando seguro a todo risco a todo aquel que se anime a comprar un vehículo nesta feira."
 

O vehículo máis demandado segundo ACAUTO é un diésel, con entre dous e cinco anos e que roldaos quince ou vinte mil euros. Pero semella que a tendencia de a pouco vai cambiando

"Hai moita oferta de vehículos híbridos, eléctricos e eso pode axudar a renovar o parque de Ourense."
 

En 2025 os novos motores supuxeron máis do 70% das ventas en Ourense, mentres que o diésel perdeu o 42 % da súa cuota. As marcas chinesas pola súa banda, rexistraron crecementos de vendas de máis do 300 %. Neste salón tamén medraron as vendas con respecto o pasado ano.

"Pois a verdade é que as vendas, a data de onte a noite, incrementáronse un dezaseis por cento, o que significa que continuamos na mesma tendencia que segue a cinta de tráfico en Ourense."

En Ourense véndense case cinco coches de ocasión por cada un novo, aquí atopamos o máis barato por menos de 9.000 euros. O máis caro chega os 94.000.