Evacuado ao hospital logo de sufrir problemas para sair do mar na praia de Baroña

Un home tivo que ser evacuado ao Hospital do Barbanza despois de ser arrastrado pola corrente na praia de O Dique, en Baroña (O Porto do Son).

Segundo informa o 112, sobre as 18 horas recibiu a chamada dun particular alertando de que un home estaba a ser arrastrado, polo que se solicitou a intervención de Urxencias Sanitarias de Galicia-061, de Salvamento Marítimo e do Servizo de Gardacostas de Galicia.

Pouco despois, a través doutra chamada informouse de que a persoa conseguira saír impulsada por un golpe de mar e que xa había xente auxiliándoa.

Os alertantes confirmaron que precisaba asistencia sanitaria, tras o que o implicado foi trasladado ao hospital.