Evacuada ao hospital unha persoa que sacaron inconsciente da auga na praia de Lapamán, en Bueu

Unha persoa foi evacuada ao hospital despois de ser rescatada da auga, inconsciente, na praia de Lapamán, Bueu, segundo informou o CIAE 112 Galicia.

O incidente ocorreu pouco antes das 19:30 horas deste martes, cando un particular alertou o 112 de que acababan de sacar da auga unha persoa insconsciente, e que se lle estaban practicando manobras de reanimación sobre a area.

Ao lugar acudiron efectivos sanitarios do 061, que interviñeron ao momento, e logo trasladárona ao hospital Montecelo. No operativo tamén colaboraron axentes da Garda Civil.