Buscan unha muller de 75 anos desaparecida en Vigo desde este luns

A asociación SOS Desaparecidos emitiu unha alerta para informar da desaparición, na cidade de Vigo, dunha muller septuaxenaria, María P. R., da que non se sabe o paradoiro desde o pasado luns.

Así, a muller, de 75 anos, mide 1,60 metros, é de complexión delgada e ten o pelo castaño claro e os ollos marróns. Cando foi vista por última vez vestía pantalón de lunares.

SOS Desaparecidos facilitou como teléfono de contacto o 868 286 726 para achegar información ou calquera dos números das forzas e corpos de seguridade e de Emerxencias.