Estrella Galicia construirá no Brasil a súa segunda fábrica no mundo, que se engade á da Coruña

Estrella Galicia anuncia a construción da súa primeira fábrica fóra de España. Será no Brasil. Investirán 300 millóns de euros e agardan crear 400 empregos. A previsión é que se inaugure en 2023.

Sitúase en concreto no Estado de São Paulo, que conta cunha subministración de auga de excelente calidade, algo imprescindible para a elaboración das cervexas, segundo explicou a compañía. Prevén fabricar 300 millóns de litros anuais.