España gáñalle a Lituania na prórroga e métese nos cuartos do Eurobásket
Gran partido de Lorenzo Brown con 28 puntos e 8 asistencias
A selección española meteuse nos cuartos de final do Eurobásket nun agónico partido diante de Lituania decidido na prórroga. O base Lorenzo Brown, nacionalizado contra o reloxo para a cita, foi o factor determinante con 28 puntos e 8 asistencias.
Durante moitos minutos, a selección de Scariolo foi a remolque dos lituanos, que chegaron a manexar vantaxes de dez puntos no terceiro cuarto. Pero España nunca lle perdeu a cara ao partido e estivo a piques de gañar no tempo regulamentario.
Lituania levou o partido á prórroga grazas a un palmeo de Brazdeikis, pero neses cinco minutos Brown encargouse de resolver a eliminatoria cunha dirección de xogo maxistral e anotando nos momentos decisivos.
ESPAÑA: Brown (28), Jaime Fernández (-), López-Arostegui (4), Pradilla (2), Willy Hernangómez (21) -cinco inicial-, Rudy Fernández (13), Juancho Hernangómez (13), Díaz (8), Brizuela (5), Garuba (8), Parra (-), e Saiz (-).
LITUANIA: Jokubaitis (13), Grigonis (8), Giedraitis (-), Valanciunas (5), Sabonis (15) -cinco inicial-, Brazdeikis (17), Butkevicius (3), Kuzminskas (18), Lekavicius (15) e Echodas (-).
Parciais: 19-20, 21-25, 23-23, 20-15 e 19-11.
La CLASIFICACIÓN para los cuartos de final del @EuroBasket, culminada desde el talento 🙌
— Baloncesto España (@BaloncestoESP) September 10, 2022
✔️ @Zo_Brown
✔️ @Zo_Brown
✔️ @Usmangaruba#LaFamilia #ModoEuropa #SomosEquipo pic.twitter.com/1rYC9ljEAo
